أنا المصري

أنا , المصرى

أنا المصري

أنا المصري

إبن نكتة .. ودمي خفيف ..
مهما أكون مهزوم وضعيف ..
أضحك من حالي واللي بيا

حمال أسية ..
شيال هموم ..
مش بس همومي أنا لوحدي ..
والناس كمان من حواليا

إيدي تتلف ف حرير ..
بافهم في حاجات كتير ..
مش بس سبع صنايع ..
دول قرَّبوا يبقوا مِية

الفهلوة والحداقة ..
الخفة والفتاكة ..
دي حاجات بدايتها عندي ..
وإتولدت على إيديا

باصدق السياسي ..
وأخاف من قلب قاسي ..
وأدعي لكن في سري ..
ع الشلة المفترية

باتفلسف ع المواجع ..
وباسلِّم ع اللي راجع ..
وأرسمله جمل وكعبة ..
وأدعي يكتبها ليا

باحب الصوت العالي ..
والأفراح والليالي ..
والنُقطة والمجاملة ..
دول دايماً دِين عليا

عروسة المولد وحصان ..
الزينة وفانوس رمضان ..
وعيدية وبمب وصواريخ ..
باستناهم بالدقيقة والثانية

وباحب الفول م العربية ..
والراديو ساعة الصبحية ..
والبخت وكلمات متقاطعة ..
والشاي دا أهم من الميه

واشتري أصناف جديدة ..
لو بــِيه أو ع الحديدة ..
ما دام مكتوب عليها ..
واحدة والتانية هدية

من غير ما اروح مدارس ..
قلبي عارف وحاسس ..
فجرك يا بلدنا راجع ..
مهما إتأخر شوية

لـ الشاعرة: دعاء عبدالوهاب

الموضوع الأصلي: أنا المصري || الكاتب: nashwa said || المصدر: منتديات غزل قلوب مصرية

https://www.qlopmasria.com

كلمات البحث

القاب ، برامج ، اوسمة ، تصميمات ، استايلات

المصدر: منتديات غزل قلوب مصرية - من قسم: اشعار منقوله

---

Hkh hglwvd

المصدر : || منتديات غزل قلوب مصرية إسم الموضوع : || أنا المصري  القسم : || اشعار منقوله كاتب الموضوع : || nashwa said

توقيع : لن أجعل مشاعرى أرضا يداس عليها أنما سماء يتمنى الأخرون الوصول أليها

بصراحــه رائع جدا هذا الشعر
بصراحه انتِ تمتلكى ذوق راقي في جـلب ماهو مميّز وجميل

تسلم الانامل الرقيقة والذوق الرفيع

صح فگرگ وقلپگ ..
قصيده چدآ معپره ومؤثره .

‏يعطيك العافيـــه لطرحك المميــز
بآنتظار المزيــد من جديدك الراقي
آعذب التحايـــا