امتحان اختبار الوطنيه

الوسوم: ,

هذا الموضوع يحتوي على 0 ردود و مشارك واحد وتمّ تحديثه آخر مرة بواسطة  ahmed shaker قبل 7 سنوات، 5 شهور.

  • الكاتب
    المشاركات
  • #77483

    ahmed shaker
    مدير
    0004.gif

    مده الامتحان خمس دقايق
    محافظه (اختيارى)
    مديريه امن النت(اختيارى بردوا)
    النادى الاهلى (اجبارى يا هتسقط يا حلو )
    الى هيغيش يا ويلو و يا سواد ليلو
    و اربعه جنيه اهم تجبيلكو بيره بعد ما تخلصوا
    الغرض من الامتحان نعرف انتا مصرى اصيل ولا نص نص ولا مش طايقها
    اوعى حد ينسى رقم جلوسه

    يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) – اثبات شخصيتك (تذكرة اوتوبيس – مفتاح الشقة – كارت تليفون مينا تل – كشكول محاضرات مدلوق مدلوق ماشى عليه نسكافيه سكر زياده _ عملة مصرية – أي حاجة والسلام يا عم )

    في حالة لو احتجت لورقة اجابة زيادة اطلب من المشرف(طارق -صافى استاذ رضا – حنانا الجبلاوى البت انغام اى مشرف بقى والسلام ) مع مراعاة عدم كتابة اسمك عليها (ما هي مش فارقة هتنجح هتنجح)

    السؤال الأول:اختار من بين الأقواس الكلام الصح:

    1- حنان ترك اتحجبت يعني………… (لبست جزمة – لبست ساعة – لبست ايشارب)

    2- اللي بنى هرم خوفو………… .(طلعت مصطفى – المقاولون العرب – مقاول أنفار – خوفو)

    3- اللي بنى..بنى مصر كان في الأصل……(حلاق – نجار – تاجر مخدرات – حلواني)

    4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ………… (يا ماما – يا بابا – يا خالو – ياريس – يا مصر)

    5 – مصر هى أمي نيلها جوا………..(عبي – بطني – رجلي – جيبي – دمي)

    6- رئيس مصر القادم كان سيكون السيد……(جمال مبارك – جمال مبارك – جمال مبارك – كل ما سبق_ابقى قابلنى )

    7- ابو تريكة هو ….(مدرس – تاجر شكاير اسمنت فاضية – لاعب كرة – تاجر مواشي)

    8- يا حضرة العمدة ابنك حميدة حدفني بالـ …. (معدية – السفندية – المية المعدنية – المهلبية)

    9- اشهر مغني مصري هو عبدالحليم …. (دياب – حافظ – سموزين – فؤش)
    السؤال الثاني:أكمل الجمل الآتية بكلام م الآخر:

    1- انتبه من فضلك السيارة ترجع إلى………… ……… …

    2- ماما زمنها………… ……

    3- من خلال تجاربك السابقة…البامبرز استيك منه………… .

    4- طلعت أدّب نزلت أدّب لقيت الدب بيأزز…………

    5- اسم والد اللاعب وائل جمعة الحاج………… ..

    6- وهيلا هيلا ، هيلا هيلا هو ، الزمالك ……..

    7- دا شاب هيهي ، بيروح و ……

    السؤال الثالث:ضع علامة صح أو علامة غلط أمام الكلام الجاي:

    1- بابا فين؟؟ ..بابا هنا..قوله مين؟؟ قوله عمو ( )

    2- الشرطة دائما في خدمة الشعب ( )

    3- أذان المغرب في رمضان بصوت ‘طارق نور’ ( )

    4- شاي الجوهرة حتة سكرة ( )

    5- ميلودي تتحدى الملل فعلا ( )

    السؤال الرابع : التعبير الحر
    اكتب فيما لا يزيد عن 3 سطور تعليق على اخر متش للاهلي و الزمالك

    السؤال الخامس : علل
    1- مازالت كرة القدم هي اللعبة الشعبية الاولى برغم ان احنا ملناش فيها
    2- ذكاء الشعب المصري الخارق برغم من اعتماده على الفول كغذاء اساسي
    3-وجود السحابة السوداء برغم ازالة جميع اكشاك البطاطا المتحركة

    السؤال السادس
    صعب شويه عليكم هجاوب انا اى حاجه والسلام
    ايه الشبه بين الصحيفة والشمس ؟؟
    : الاتنين بيطلعوا الصبح

    : ايه الشبه بين التفاح والكمثرى ؟؟
    : الاتنين مش جوافة

    : ايه الشبه بين الصعيدي الذكي وسوبر مان ؟؟
    الاتنين خيال علمي

    : ايه الفرق بين الصحراء.. وايام الاسبوع.. وموس لورد ؟؟
    : الصحراء مفيهاش حد ايام الاسبوع فيها حد واحد
    موس لورد فيه حدين

    : واحد وقع من الدور التاسع لقى ايه ؟؟
    : لقى مصرعه

    : دكتور أسنان ارتكب جريمة يسجنوه فين ؟؟
    : في سجنال تو

    : ليه نابليون كان بيقعد قدام الثلاجة ؟؟
    : عشان يستنى حملة فريزر

    : ايه هي قمة الادب ؟؟
    : انك تخبط على التلاجة قبل ما تفتحها

    : إيه وجه الشبه بين الحلاق وجورباتشوف ؟
    : الإتنين بيتعاملوا مع الروس

    : إيه الفرق بين الليمون والزيتون ؟؟
    : الأولاني بيعملوا منه لموناته والثاني ما يعملوا منه زاتوناتة



    منقول بتحريف من اكثر من موقع

    مبروك نحجتوا

    ومحدش يقول مكرر هنا علشان متطرش فيها رقاب angry_002.gif
    واخد بالك يا صافى

    0009.gif

يجب تسجيل الدخول للرد على هذا الموضوع.