ودع بلادك حبيبي بقلم ا / منصور رجب

ودع بلادك حبيبي

وزع الأمانات

وامشي في طريق الفلاه

يا مبتلى بالناس

خد من صحاب الصدور مشروحه ليك صحبه

وخد (ابن سلمى) معاك في الطريق وناس

وابعد عن اللي صدقك وآذاك

وعرض عليك الجاه

مسلوبه منه الحياه كيف يمنحك هو؟

يا وشوش ساففها التراب

(ابو الحسن) جوه

نور الحبيب زاده وفرشته وغطاه

لا طاله سيف انجرح

سدوا عليه الباب

والظن خاب منهم

والنشان خيب

غاصت ايادي الفرس

يا (سراقه) يا طيب

موعود بكسري اليك

ولو الزمان شيب

ودع بلادك حبيبي

والطغاه سيب

يا صحبه لا تحزنوا ضموا علي ضموا

الارض مش ملكهم

الارض ملك الله

واحنا الوريث في الزبور والذكر والتوراه

وكلام لعيسي المسيح

إنجيله بيأيد

إلا رسول الله.

%d مدونون معجبون بهذه: