مهما كان شعر/محمود العزب

مهما كان

شعر/محمود العزب

إنتخبت خلاص ياوطنى
أيوه خايب من زمان
والمأثر فيا بطنى
أصل نمت كتير جعان
ومنه لله اللى سابنى
كل عمرى أعيش جبان
وانت عارف إيه بصيبنى
لما ياخدونى اللجان
وحسسونى بإنى وطنى
وإلا أبقى له مدان
وادى صوتى للى باعنى
واللى عارف إنه خان
وكل حاجه غصب عنى
مانى طول عمرى مهان
وهيه واقفه عليا يعنى
ماهو كله ياعم هان
وبانسى نفسى وبنتى وابنى
وبامشى عكسى مهما كان
وربنا نفسى ياخدنى
وهو وحده المستعان .

13/8/2020

%d مدونون معجبون بهذه: