ديوان المسحراتى لعمر الصاوى…….الفطاطري

دهب فرع سبورتنج – فطاطرى دهب فرع سبورتنج الاسكندرية | مطاعم ...

مسحراتي وفطاطري 
حبك يا مصر جَبَر خاطري 
فوّتّ علشانك قطري 
وقلت أعمل كنفاني
.
شمّرت أكمام الهمه
وعدلت على راسي العمه
وحلفت بالله والنعمه
لابنيكي، واعمل حلواني
.
واعمل عساكر دوريه
علي الحدود الشرقيه
واقول يعيش يا فطاطريه
نورتوا قلبي وميداني
.
أحمد وطه وحساني
الشمس دخلت دكاني
لقت عجينه بتترقق
بتشرب السمنه وتشرق
تطير وتتخض وتشهق
في الفرن قالت: آه ياني
لسعتني نارك ياصواني
.
وانا اللي واقف مش شايف
غير العيون العسليه
باقول كنافه.. يا قطايف
وصوتي راح الاسماعيليه
يعمل فطير سكر بايش
لعسكري لابس قايش
بيقوللي طول عمري عايش
واخد بلادي فى أحضاني
.
تحت النجوم السهرانه
الدنيا قالت: حرّانه
حلّيلي بقي يا حلواني
.
بالطبله دقه وبقلبي دقه
ياللى سامعني ما تقولش لأ
.
يـا نجـوم بعـرض السمـا فرحانــه بأدانــــي
وانا ماشي أقصر طريق بين قلبي ولسانـي
من كتر شوقــي لحبايبـي قمت عـز النـوم
شلت القمر والنجوم والشمس فى صواني
.
اصحى يا نايم
رمضان كــريم

%d مدونون معجبون بهذه: