ياطير يالى مسافر من إبداعات الشاعر طه الروبى

ياطير يالى مسافر
رايح يم الحبيب
بلغ ليه سلامى
والرد منوا جيب
قوله واحش حبيبك
والشوق جواه لهيب
وصية يا طير علينا
بلاش يبعد يغيب
خايف لا يكون ناسينا
وظنى فيه يخيب

يا طير يالى مسافر
رايح يم الحبيب
خد مني الف وردة
و معاهم الف بوسة
هدية للحبيب
إللى صورته فى خيالى
ومسهرنى الليالى
واصبح لجرحى طبيب

يا طير يالى إنت رايح
رايح يم الحبيب
خد مني ورد صباح
هدية للحبيب
قوله مشتاقين
العين تيجى فى العين
ونسلم بالادين
عشان غيره ملناش حبيب

يا طير يالى مسافر
رايح يم الحبيب

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *