شيء طبيعى إنك تستغرب من إبداعات الشاعر طه الروبى

شيء طبيعى إنك تستغرب
شيء طبيعى تكون مدهوش

من الخطر معظمنا بيهرب
واللى انا عشته إنت ما عشتوش

يمكن بكره تعيشه معايا
وتعرف تفاصيل السهراية
ولما تعيش تفاصيلها بنفسك
كلامى تانى متنكرهوش

عارف إن دا صعب عليك
بس ازاى أنا اثبت ليك
إن دا واقع عايش فيه
وكنت زمان انا بحلم بيه
واللى يكون فى الواقع عايش
يفهم غير إللى ما عاشهوش

شيء طبيعى إنك تستغرب
لما بقول حصل وجرالى
وجوا منك أنفاسك تكتم
ولسان حالك تقول كان مالى
ليه أنا اجرجر روحى معاك
مهما كنت عاشق بهواك
رعب لقلبى ما يلزمهوش

شيء طبيعى إنك تستغرب
بس كلامى صح أكيد
كنت ساكت خايف تتعب
وكنت اتمنى متس أ ل نيش
الخوف اصله مابحبوش

شيء طبيعى تكون مستغرب
شيء طبيعى تكون مدهوش

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *