الحب مش كلمة من  حرفين بينطق بيها اللسان من إبداعات الشاعر طه الروبى

الحب مش كلمة من 
حرفين بينطق بيها اللسان
الحب دا رغبة وإحساس
وفكرة راسخة فى كيان
واللى مش عارف معانى 
الحب يبعد
بلاش القلب يتعب ويفتح
ليه الببان

الحب مبنى على الاشتياق
وعلى الإهتمام والانسجام
وعلى المودة والاحترام
والخداع والغش ملهوش
وجود ولا مكان

الحب مبنى على الصفا
مبنى على العطاء والوفا
مش مبنى على الخداع
وعدم الانصياع
واللف والدوران

الحب مبنى على المستند
وعلى الدليل
والاعتراف بحق وعدم
نكران الجميل
مش مبنى على الحوارات
واللعب والحركات
وأفكار مخ جاهل هبيل
كل أفكاره تخاريف وجنان

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *