فى الحقيقة كنت عارف إنك فيا بتخدع من إبداعات الشاعر طه الروبى

فى الحقيقة كنت عارف
إنك فيا بتخدع
وفعلك كله كنت شايفه
وكتير كان فيا بيوجع
لكن فضلت السكوت
عشان اكتر بزيادة تطمع

ولما جا الوقت المناسب
خليتك على المشاريب تحاسب
وكل إللى حوشته تدفع

مكنش مني دا غباء
لكن دا رد العطاء
لأنى عارف امتا اطرح
وامتا أجمع

اهم شيء الدرس فادنى
وخبرة للجاى زادنى
وعشان بكره نفسى انفع

فى الحقيقة ومن البداية
كنت عارف مطالبك
بس كان جوا مني غاية
اصبر عليك وكمان الاعبك
لما جوا شباكى توقع
اصلي عارف امتا اطرح
وامتا أجمع
ياما عليا مر فات
زى حكاياتك حاجات
وبالندم كله كتير بيرجع

لو فاكرنى فى اللعب ساهل
تبقى بجد سازج وجاهل
ولسه فى اساليب المراوغة
يادوب بترضع

فى الحقيقة كنت عارف
إنك فيا بتخدع

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *