كنت ليا كل فرحة من إبداعات الشاعر طه الروبى

كنت ليا كل فرحة
بنسى فيها جراح زمان
وكان وجودك جنب مني
بيحسسنى بالأمان
ليه مصمم عنى تبعد
وتسبنى تانى للزمان
يتعبنى ويزود اهاتى
ولدنيا مفهاش أمان

كنت حلم وامانى
بعيش حياتى فيها تانى
إيه حصل وإيه إللى كان

لما ناوى عنى تبعد
كان بلاش قلبى إنت توعد
كنت خليه فى إللى كان

كنت ليا عطر الورود
ونسمة جايبه معاها الوجود
صورتها محوطانى فى المكان
بس اقولك قلبى مش ممكن
يسامحك وحقى هيرده الزمان

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *