رساله إلي الوالي

 رساله إلي الوالي

ربما تحتوي الصورة على: ‏‏شخص واحد‏، و‏‏نص‏‏‏

إلي من يهمة الأمر 

رساله إلي الوالي

خالق العباد ربنا .. . .. ورزقهم المكتوب

حتي إن ضاع حقنا .. . .. والبخت كان مغلوب

حبل الرجوله أنقطع .. . .. والحق مات مشنوق

خوف العباد أتمنع .. . .. ولبسنا ألف خازوق

ديب المزارع نهش .. . .. الحق بقي باطل

داس العباد وأفتري .. . .. بالظلم بالباطل

نبح الكلاب لو علي .. . .. بالجزمة والمركوب

الرزق علي ربنا .. . .. منخافشي من مخلوق

شاخت عيدان القصب .. . .. من كل شئ ماسخ

طراتير حصالة بشر .. . .. وشوش ضمير واسخ

أرمي الحمول كلها .. . .. علي الواحد الرحمن

أصل الرجال عمرها .. . .. ما توطي للغربان

بنخاف علي رزقنا .. . .. والرزق علي الخالق

مداد معاك ربنا .. . .. معدتشي شئ فارق

غمي عنيك بالعما .. . .. خلي السواد حاكم

ظالم بظلمة أفتري .. . .. وبندعي علي الظالم

فارس الليل الحزين
محمد عطية محمد
10/10/2018

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *