يوم مُش عادى شعر/محمود العزب

يوم مُش عادى
شعر/محمود العزب

النَّـهـارده يـابـِلادى
إعتَبرتُـهْ عيـد ميلادى
وده لإنُّهْ يوم مُش عادى
يوم مارَجَّعنا اعتبارنا
وبإرادِتنـا انتَصرنـا
ياحبيبتى على الأعادى
ولَمَّا أخدوا الأرض مِنَّا
صَحَّا روحنا
وزال جُروحنا
وجِهْ بفرحهْ وقام ينادى
ع اللِّى نايم جُوَّه صَمتُـهْ
وع اللِّى مَكفى ويَّا خيبتُهْ
وع اللِّى صُبحُهْ ماشافُهْ نادى
وبعد سِـت سنين بحالهُـم
سِتَّهْ أكـتـوبـر هَزَمـهـا
وقُمنـا قومَهْ ماحَـد قامها
ع الصهاينَهْ وهَـد حيلهُـم
وخَـلاَّ كُـل النـاس تِنادى
بِـلادى بِـلادى بِـلادى
لَـكِ حُـبِّـى وفَـؤادى .

6/10/2018

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *