حُبِّك سُكَّر شعر/محمود العزب

حُبِّك سُكَّر
شعر/محمود العزب

نار حُبِّك
على قلبى ياحُبِّى
زَىَّ السُكَّر

وف حُضنِك 
بالاقينى كَإنِّى
واد مِتخَدَّر

وباوافقِك 
وده لإنِّى باحبِّك 
مُش أكتَر

وباصارحِك 
على طول مُعاناتى
وانا مِتأَثَّر

وباقول لِك 
على كُل حاجاتى
وبانسى آهاتى

وبالاقى 
فى هواك إجابات
عن سُؤالاتى

وانا باقدر 
اعبَّرعن ذاتى
وحُبِّك بِكبَر.

1/10/2018

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *