أمام عيونك مش وراك من إبداعات الشاعر طه الروبى

أمام عيونك مش
وراك
بقول إللى فى نفسى
وكلمتى
لو كرهتك هقول كرهتك
مش هدارى ولا هخبى
رغبتى

لو عايز أقول كلمتى
هقولها فى وجودك
مش وانت غايب
هو دا طبعى ودى طريقتى
وفكرتى

لو لا زمني البعد عنك
كنت ادارى نفسى منك
وأنكر وجودى
واغير كمان من وجهتى

لو مش لازمني تكون معايا
كنت ليك قولتها من
البداية
وخلصت ونهيت الحكاية
واختصرت خطوتى

بس انت إللى جواك وساوس
وفى نظرك أكون غلطان ب أ ى
طريقة وشكل عايز
بس دى مش لعبتى

من إبداعات
الشاعر
طه الروبى

One thought on “أمام عيونك مش وراك من إبداعات الشاعر طه الروبى”

  1. كلماتك جميلة وحبيتك منها وفيها لكن شخصيتك صعبه حد يفهمها بتعطى نفسك حق اكبر من حقك الدنيا كلها غلط وانت وحدك صح عارف لو تحب من قلبك كنت تفهم الدنيا صح لكن انت بتحب من خلال كلامك وده مش صح سيب قلبك يحب وروحك تعيش اسفه على كلامى بس هو دى انت

Comments are closed.