كتير عليا قبل منك من إبداعات الشاعر طه الروبى

كتير عليا قبل منك
فات وياما قابلنى
وياما قابلت
لا حد شاغلنى ولا بحد
انشغلت
ولا عن قلبى فى يوم اتنازلت
ولا حصل بينا فى يوم
سلامات
بس انت غير كل إللى
قابلونى
وعرفتهم وعرفونى
بجد مش حوارات

انت خلتنى أعيش
الهوى أكتر ما كنت متخيل
وتاخدنى بقى الموجات
وعرفت معاك للهوى درجات
وعملت لقلبى نشاط

كتير عليا قبل منك
فات
لاحد يوم شدنى
ولا لسكته جرنى
ولا حصلى فى يوم
هزة من النظرات

بس انت غير الكل
يا ساحر العبارات

كتير عليا قبل منك
فات
لا حصلى فى يوم
دربكة
ولا عقلى من قلبى
اشتكى
وكانت مشاعرى ثبات
نايمة مكانها مرحرحة
بس انت غير الكل
عملت فيا حجات
بتخيل فيها مازلت
عنى بعيد كانت
ولا ليها كان إشارات

كتير عليا قبل منك
فات

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *