بطلت أقولك عايز أشوفك من إبداعات الشاعر طه الروبى

بطلت أقولك عايز
أشوفك
وانت السبب
كل مرة تقول ظروفك
لوم وعتب

عندى أنا التانى ظروف
وحجات كتير
تسببلى خوف وتخلى
حالى ملتهب

بس أنا شوقى ليك 
مخلينى ملهوف عليك
وعليا أصبح شيئ وجب
وبعدك معيشنى فى تعب

لو مش بحبك مش هطالبك
وعليك ألح
ولا كان يجوز ولا كان يصح
وكان يبقى ليك حق الغضب

بس قلبى بجد غارق
وطيفك ليه مش مفارق
وصورتك عن عينى
لا بتغيب ولا بتحتجب

بطلت أقولك عايز
أشوفك وانت السبب

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *