يا قلبى متقدم فيك إتهام من إبداعات الشاعر طه الروبى

يا قلبى متقدم
فيك إتهام
إنك مهمل وناسى
الغرام
وكل يوم عليك جديد
يتقال كلام

وانت برى مظلوم
وبالزور كمان متهوم
محتاج تلاقى من الحبيب
بيك إهتمام

ياقلبى متقدم فيك إتهام
من أقرب حد ليك
وكمان بيقول عليك
لازم تنول أصعب الأحكام

اصبر ياقلبى بكره
الحقيقة تبان
ويفوق إللى كان نعسان
وتبان براءتك وتظهر نزاهتك

دا إللى سليم بيكون
صعب فى يوم ينضام

سيب إللى يقول عنك
ويظن فيك إنك
جواك كتير اسقام

نصيبك ياقلبى
وقسمتك
تيجى من حبيبك
الوجيعة وتكون فظيعة
والظلم ياقلبى حرام

كتير مظاليم ياقلبى
وانت واحد من ضمنهم
وكل يوم تتجدد جراحك
كل أما تيجى تنام

اصبر ياقلبى على
المكتوب
بكره إللى غالب
يكون مغلوب
هاتلى حال استمر ودام

ياقلبى متقدم فيك
إتهام

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *