حبيبى مش عايزك تكون قلقان من إبداعات الشاعر طه الروبى

حبيبى مش عايزك
تكون قلقان
ولا تعمل حساب للبشر
وخلى جواك إيمان
ربك على كل شيئ مقتدر
اطلب منه المدد والعون
بالصبر ياحبيبى كل شيئ
بيهون
وربك فينا بيختبر

حبيبى خليك متأكد
من حبى ليك
وانى شاريك
وصعب يوم أهمل فيك
ولا عنك أتخلى
مهما كان أو حصل

حبيبى إحنا اتعاهدنا
نكمل طريقنا
وكل حجر فيه موجود
هنزرع مكانه شجر
وورود
ولازم نصون الحب وبيه
نفتخر

حبيبى ليه قلقان
وعامل حساب للبشر

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *