عيونك العسلى ولونك الخمرى من إبداعات الشاعر طه الروبى

عيونك العسلى
ولونك الخمرى
خلونى أتوه وأقول كمان
يا هوه
أصبحت عاشق لعيونك
وواخد عقلى كمان لونك
وشفايفك لما بتبتسم
البال مني كمان شغلوه
لما بيدك سلمتى
مشاعرى جوايا
زلزلتى

ولما مع بعض مشينا
وعيون كتير باصة علينا
الحب علينا استكتروه

ما يعرفوش إنى بحبك
ومش عايز منك غير
قلبك
حب صعب يكونوا عاشوه

ولما على الشط قاعدنا
وانفاس الحب تنهدنا
صوت تنهيدنا الناس سمعوه

سابوا مكانهم علشانا
عشان نعيش فى الهوى
وبزيادة نتوه

معاكى بجد بكون مرتاح
وآخر سعادة وعايش
أفراح
يالى إسمك شفايفى عشقوه
عشان جميل وسهل النطق
وكتير من العشاق بيتمنوه

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *