من النهارده ياحبيبى مفيش دموع من إبداعات الشاعر طه الروبى

من النهارده ياحبيبى
مفيش دموع
مفيش تانى للماضى
رجوع
فيه فرح وهنا
كفاية مشاعرنا عاشت
سنين فى جوع
وكانت مطفية لينا الشموع

من النهارده يا حبيبى
للخوف مفيش خضوع
لازم نرتدى ضد الخوف
كل الدروع
دروع العزم والتصميم
وننسى كمان وقت الضعف
والتسليم
وفى القرب والوصال
يحصل شروع

لازم نرفع راية العصيان
فى وجه كل صعب
او ممنوع
بلاش تقولى محتاجين
وقت تانى من السنين
وعلى الماضى تبكي بالدموع

الدموع لو تانى نزلت
دموع الفرح هتكون
مش دموع تترك ألم
فى العيون
وتخلي الجفن كمان موجوع

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *