كان بينا الأمان  موجودمن إبداعات الشاعر طه الروبى

كان بينا الأمان 
موجود
وقت أما كانت النية
صافية
والغدر كان مرفوض
والهمة وافية

بندور على الأمان
يمكن فى يوم نلقاه

بنروح من مكان لمكان
بنلاقى حجات على السطح
عايمة وطافية

زى الخداع والغش
وضحك الكدابين فى
الوش
وبخيبة نرجع نعود

إللى كان لينا ثقة
هو السبب إن الحلم
يكون مهدود

إللى كان لينا ثقة
خلا حياتنا ملعبكة
وبيرفع علينا الصوت

وبعد أما كان يفوت
يسلم
أصبح علينا يتكلم كلام
ملهوش أساس ووجود

لا عمل حساب للملح
ولا خبز الصبح
وخلا ما بينا سدود

من غير دليل ولا مستند
جايب بالزور شهود

خلاص الضمير أصبح
ميت وأكله كمان الدود

كان بينا الأمان موجود

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *