وإيهْ يَعنى شعر/محمود العزب

وإيهْ يَعنى

شعر/محمود العزب

مَزنوق شويَّهْ وإيهْ يَعنى
ماانتَ اللِّى لِسَّهْ مدَلَّعنـى
وسايبنى كابِس على نَفَسَك
ولاعُـدت قـادر تِمنعنـى

وباعشِّمَـك وانـتَ مصَدَّق
وانتَ اللِّى مُش عاوز تِزهَق
واهىْ دقنى اهِى لَوْبان حِسَّك
وانتَ اللِّى فوقَـك طلَّعنـى

وانا باكرهَـك وانتَ براحتَك
وباموت فى جِلدى لِصراحتَك
وباعيش على ريحِـةْ يأسَك
وجُبنَـك اللِّـى مشَجَّعنـى

ولاهاانتِوى أسيبِـك خالِص
وانتَ كِده بى مُش حاسِس
وهااسيبَـك عايش وبنَقصَك
علشان ماتِقـدَر تِخلَعنـى.

3/5/2018

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *