ما تستعجلشى على الحساب من إبداعات الشاعر طه الروبى

ما تستعجلشى على الحساب
لسه ميعاده مجاش
بس حضر الجواب
وبلاش تركن على العتاب
وقت الحساب جاى جاى
خد ليك من الصبر مناب

وقت الحساب كل شيئ
هيبان ويظهر
ويتفتح ليه ألف باب
وكله مثبوت فى الكتاب

كله مثبوت فى الدفاتر
كنت ناسى ولا فاكر
وهيظهر مين محقوق وعاب

وقت الحساب مش انت
إللى ليه تحدد
الزمن ليه فيه سهم ونصاب
وقت الحساب لا عشم فيه
ولا عتاب

وقت الحساب كل واحد
عايز يكون صاحب الحق
ولا حدش يقول عليه
غلطان وعاب

ما تستعجلشى على الحساب
لسه الفاتورة فيها مكان
فاضى
ولسه لازمنى منك ثواب

أنا عايز الفاتورة تكون
كبيرة
عشان يزيد حجم المصاب

بس ياريت تكون عارف
من امتا بداية الفاتورة
وامتا ابتدا بينا الحساب
وتبقى فاكر ولا تنساش

من إبداعات
الشاعر
طه الروبى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *